अहिले कर्मचारी प्रशासन सुधारका ठूल्ठूला बहसहरु भइरहेका छन् । नेपोटिजमकै कारण हालैमात्र बहालवाला मन्त्रीले पदबाटै हात धुनुपरेको समयमा मुख्यसचिव सुमनराज अर्यालसमेत जोडिने गरी उनका नातेदारलाई संघीय मामिला तथा सामान्य प्रशासनमा लगिएको घटना सार्वजनिक भएको छ ।
बिज्ञापन
लाइन मिनिष्ट्री मानिएको संघीय मामिला तथा सामान्य प्रशासनमै कतिसम्म विकृती छ भने लोकसेवाबाट नाम निकालेका स्थायी कर्मचारी ‘जोकरफाल्तु’ हुने,केही जिम्मेवारी नपाइ मन्त्रालयको अतिरिक्त समूहमा थन्काइने तर हाकिमहरुका जोडबलमा नियुक्ति दिएइका करारका कर्मचारीहरुको उल्टै हैकम चलिरहेको छ,त्यहाँ ।
बिज्ञापन
लोकसेवा भिडेर स्थायी नियुक्ति पाएका राप अन प्रथम श्रेणी (कम्युटर अपरेटर)को हकमा संघीय मामिला तथा सामान्य प्रशासन मन्त्रालयमा यस्तो विकृती देखिएको हो । स्थायी कर्मचारीलाई बाहिर घुमेका घुम्यै छन् तर त्यहाँ समेत चार जना करार सेवाका कर्मचारीको रजगज चलिरहेको छ ।
स्रोतका अनुसार,सो मन्त्रालयमा यस अघि १० जना कम्युटर अपरेटरहरुको दरबन्दी राखिएको थियो । ओएनएम सर्भे गरेर यो दरबन्दी संख्या आठमा झारिएको छ । जसमा चार जना करारकै कम्युटर अपरेटरहरुको रजगज छ । सो मन्त्रालयमा सचिवको सचिवालय,योजना,विकास सहायता। स्थानीय प्रशासनतर्फ एक एक जना करारका कम्युटर अपरेटरहरु विगत लामो समयदेखि कार्यरत रहेका छन् । सोही मन्त्रालयमा लोकसेवा भिडेर स्थायी नियुक्ति लिएका केही कम्युटर अपरेटर लामो समयसम्म फाजिलमा राखिएको थियो ।
तिनैमध्येका एक जनालाई हालैमात्र महान्यायधिवक्ताको कार्यालयमा सरुवा गरिएको छ । ती कम्युटर अपरेटरहरुलाई महान्यायधिवक्ताको कार्यालयमा सरुवा गरेर त्यहाँ मुख्यसचिव सुमन अर्यालका भाइ नातेदार पर्ने कर्मचारीलाई सामान्यमा खटाइएको भेटिएको छ ।
बिज्ञापन
स्थायी नियुक्ति पाएका कर्मचारीहरुलाई अन्यन्त्र मन्त्रालय मन्त्रालय हुँदै जिल्ला जिल्लामा घुमाउने तर करार सेवाका कर्मचारीलाई मन्त्रालयमै जोगाएर राख्ने क्रम विगतदेखि नै चल्दै आएको छ,संघीय मन्त्रालयमा । सरकारले सार्वजनिक खर्च कटौती गर्ने भनिए पनि संघीय मन्त्रालयमा ४ जना करारका कम्युटर अपरेटरहरु कार्यरत छन्,उनीहरु बर्षौदेखि मन्त्रालयमा रहेर काम गर्दै आएका छन् । मन्त्री,सचिवदेखि उच्च पदस्थहरुका आडमा करारमा कार्यरत रहेका कम्युटर अपरेटरहरुको जागिर बचाउने खेलो मेलो राम्रै चलेको छ,नयाँ सरकार आउँदासम्म फेरिएको छैन । अहिले पनि संघीय मामिलामा ४ जना करारका कम्युटर अपरेटरहरु कार्यरत छन् ।
यस्तै गृहमा एक महिला कर्मचारीलाई हर्ताकर्ता नै बनाएर राखिएको छ,लामो समयदेखि । शिक्षा,शहरी,उद्योग, श्रम,निर्वाचन आयोग,कानुनदेखि भौतिक मन्त्रालय,काठमाडौं जिल्ला प्रशासनसम्म करारकै कम्युटर अपरेटरहरु छन् ।
